កាលពីថ្ងៃទី០៧ ខែមិថុនា ឆ្នាំ២០១៩ កន្លងទៅនេះ លោកគ្រូ អ្នកគ្រូ ព្រមទាំងសិស្សានុសិស្ស នៃសាលារៀន អន្តរទ្វីប អាមេរិកាំង បានសហកាជាមួយមូលនិធិ ម៉េងលី ជេ. គួច ធ្វើនូវពិធីប្រគល់បង្គន់អនាម័យ មួយខ្នង មានពីរបន្ទប់ និងដាំដើមផ្កា ដែលមានថវិកាសរុបចំនួន 3,418 ដុល្លារអាមេរិក ទៅដល់សាលាបឋមសិក្សា ឈើទាល ដែលស្ថិតនៅក្នុងស្រុកពាមជរ ខេត្តព្រៃវែង គឺដើម្បីបំពេញតម្រូវការ និងភាពខ្វះខាតរបស់សាលា ព្រមទាំងជួយលើកស្ទួយបរិស្ថានសាលាស្អាត។ ហើយកាលពីថ្ងៃទី០២ ខែឧសភា ឆ្នាំ២០១៩ កន្លងទៅ មូលនិធិ ម៉េងលី ជេ. គួច និងសាលារៀន អន្តរទ្វីប អាមេរិកាំង ក៏ធ្លាប់បាននាំយកអំណោយជា សម្ភារការិយាល័យ និងសម្ភារសិក្សា ចែកជូនលោកគ្រូ អ្នកគ្រូ និងសិស្សានុសិស្សម្ដងរួចមកហើយដែរ។ សកម្មភាពការងារក្នុងមូលនិធិ