ទំព័រដើម / ការងារសហគមន៍ យើងរួមគ្នាដើម្បីលាបថ្នាំពណ៌
កាលពីថ្ងែទី៥ ខែតុលា ឆ្នាំ២០១៩ កន្លងទៅនេះ គណៈគ្រប់គ្រង លោកគ្រូ អ្នកគ្រូ និងបុគ្គលិក នៃមជ្ឈមណ្ឌលភាសា អេ អាយ អាយ (Aii) និងសាលារៀន អន្តរទ្វីប អាមេរិកាំង (AIS) បាននាំសិស្សានុសិស្សចូលរួមការងារសហគមន៍ ស្តីអំពីយើងរួមគ្នាដើម្បីលាបថ្នាំពណ៌ ដោយសហការឧបត្ថម្ភសម្ភារឧបទេស និងធ្វើយុទ្ធនាការលាបថ្នាំពណ៌នៅតាមទ្វារ បង្អួច និងអគារសាលាបឋមសិក្សាព្រែកលៀប ស្ថិតនៅភូមិព្រែកលៀប សង្ខាត់ព្រែកលៀប ខណ្ឌព្រែកលៀប រាជធានី ដើម្បីបរិស្ថានស្អាត និងលើកស្ទួយវិស័យអប់រំនៅកម្ពុជា។ ការងារសហគមន៍នេះ ធ្វើឡើងដើម្បីបំផុសគំនិត ស្មារតីយុវជន ក៏ដូចសិស្សានុសិស្សឱ្យស្រឡាញ់ និងចូលរួមកិច្ចការសង្គម ដោយចេះជួយគ្នា សាមគ្គីគ្នា ចេះឱ្យតម្លៃគ្នា ចេះសហការ និងធ្វើឱ្យយល់កាន់តែច្បាស់ពីការចែករំលែក ។សាលារៀន អន្តរទ្វីប អាមេរិកាំង ក្រៅពីផ្តល់ចំណេះដឹងទូទៅហើយនៅមានបណ្តុះស្មារតីឱ្យសិស្សានុសិស្សស្រឡាញ់ និងចូលរួមកិច្ចការងារសង្គម។ សកម្មភាពរបស់គណៈកម្មការសាលា និងសិស្សានុសិស្សដែលបានធ្វើនៅក្នុងសហគមន៍មានដូចជា លាបថ្នាំបង្អួចសាលា និងផ្តល់បង់អង្គុយទៅដល់សាលាបឋមសិក្សា។ សង្គមមួយមានភាពរីកចម្រើន និងស៊ីវិល័យ វាអាស្រ័យទាំងស្រុងលើចរិយាសម្បត្តិរបស់មនុស្សទាំងអស់នៅក្នុងសង្គមនោះ។ ការងារទាំងនោះបានបង្រៀនសិស្សានុសិស្សស្វែងយល់បានច្រើនណាស់តាំងពីការស្វែងយល់ពីខ្លួនឯង រហូតដល់ទំនាក់ទំនងជាមួយមនុស្សជុំវិញខ្លួន។
សកម្មភាពការងារសហគមន៏
ខ្មែរ
អង់គ្លេស