ទំព័រដើម / ការប្រកួតបាល់ទាត់មិត្តភាពដើម្បីសម្បុរសធម៍
កាលពីថ្ងៃទី១៥ ខែធ្នូ ឆ្នាំ២០១៩ កន្លងទៅនេះ សាលាបានរៀបចំការប្រកួតបាល់ទាត់មិត្តភាពដើម្បីសម្បុរសធម៍រវាងអតីតសិស្ស និងលោកគ្រូ នៃសាលារៀន អន្តរទ្វីប អាមេរិកាំង នៅវិទ្យាល័យ ជា ស៊ីម បឹងកេងកង។ កម្មវិធីប្រកួតនេះកើតមានឡើងដោយសារអតីតសិស្ស និងលោកគ្រូជាអ្នកផ្តូចផ្តើមដើម្បីស្វែងរកថវិកាជួយទៅដល់សាលាដូង លើភ្នំគិរីរម្យ ស្ថិតនៅស្រុកភ្នំស្រួច ខេត្តកំពង់ស្ពឺ។ អតីតសិស្សមានសន្តានចិត្តចង់ជួយចែករំលែកដល់គ្នាទៅវិញទៅមក ជាពិសេសដល់សិស្សដែលនៅតំបន់ដាច់ស្រយាលបែបនេះ។ ក្នុងនោះលោកឧកញ៉ា វេជ្ជបណ្ឌិត គួច ម៉េងលី តាមរយៈមូលនិធិ ម៉េងលី ជេ. គួច បានឧបត្ថម្ភថវិការចំនួន១លានរៀល ដើម្បីរួមចំណែកជួយឧបត្ថម្ភដល់សាលាដូង ជាមួយអតីតសិស្សានុសិស្ស និងលោកគ្រូផងដែរ៕
ខ្មែរ
អង់គ្លេស