ទំព័រដើម / ដំណើរទស្សនកិច្ចសិក្សាលើកទី១៦៩ ទៅកាន់រមណីយដ្ឋានភ្នំជីសូរ
កាលពីថ្ងៃសៅរ៍ទី១០ ខែមិថុនា ឆ្នាំ២០២៣ កន្លងទៅនេះ គណៈគ្រង់គ្រងនៃសាលារៀន អន្តរទ្វីប អាមេរិកាំង ដឹកនាំសិស្សានុសិស្សថា្នក់ទី១១ ធ្វើដំណើរឆ្ពោះទៅកាន់រមណីយដ្ឋានប្រវត្តិសាស្ត្រភ្នំជីសូរ ដែលស្ថិតនៅឃុំរវៀង ស្រុកសំរោង ខេត្តតាកែវ លើកទី១៦៩ ដើម្បីឱ្យសិស្សានុសិស្សឈ្វេងយល់ពីប្រវត្តិសាស្ត្រពិតប្រាកដ ស្គាល់ពីស្ថានភាពសង្គម ជីវភាពប្រជាពលរដ្ឋ ព្រមទាំងឈ្វេងយល់ពីប្រាសាទបុរាណ និងភ្នំធម្មជាតិជាដើម។ ម្យ៉ាងទៀតដំណើរទស្សនកិច្ចសិក្សានេះគឺផ្សារភ្ជាប់ជាមួយមេរៀនដែលបានសិក្សាកន្លងមកនៅក្នុងថា្នក់ និងបានឃើញផ្ទាល់ ហើយមានបំណងបណ្ដុះទឹកចិត្តយុវបញ្ញវន្តឱ្យស្រឡាញ់វប្បធម៌ អរិយធម៌ ប្រាង្គប្រាសាទបុរាណ ដែលជាសម្បត្តិជាតិដ៏ពិតប្រាកដ និងបន្តផ្សព្វផ្សាយពីវប្បធម៌ អរិយធម៌ ដល់ភ្ញៀវជាតិ អន្តរជាតិ ពិភពលោកឱ្យស្គាល់កាន់តែច្បាស់ពីភាពអស្ចារ្យនៃប្រទេសកម្ពុជា និងសិស្សានុសិស្សបាននាំយកសម្ភារសិក្សាមួយចំនួនចែករំលែកសិស្សសាលាបឋមសិក្សា និងវិទ្យាល័យ ប៊ុនរ៉ានីហ៊ុនសែនដែរ។ លើសពីនេះទៅសិស្សានុសិស្សបង្កើនការសហកា ការសាមគ្គី និងបង្កើតមិត្តភាពជាមួយមិត្តភក្តិថ្មី ហើយពួកគេទទួលបានភាពស្រស់ស្រាយ និងកាលចងចាំងពីកម្មវិធីដំណើរទស្សនកិច្ចសិក្សាមួយនេះ៕
ដំណើរទស្សនកិច្ចសិក្សាលើកទី១៦៩ ទៅកាន់រមណីយដ្ឋានភ្នំជីសូរ
ខ្មែរ
អង់គ្លេស