ទំព័រដើម / ទិវាកីឡាលើកទី៥ សម្រាប់សិស្សានុសិស្ស
កាលពីថ្ងៃទី១៣ ខែមិថុនា ឆ្នាំ២០២៣ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូ នៃសាលារៀនអន្តរទ្វីប អាមេរិកាំង សាខាចោមចៅ បានរៀបចំកម្មវិធីទិវាកីឡាលើកទី៥ សម្រាប់ប្អូនៗកុមាររៀនថ្នាក់ក្រោមមត្តេយ្យ និងមត្តេយ្យសិក្សា វេនព្រឹក និងវេនរសៀលទាំងអស់។ កម្មវិធីនេះបានរៀបចំឡើង ដើម្បីអោយប្អូនៗសិស្សានុសិស្សទាំងអស់បានធ្វើលំហាត់ប្រាណ លើចលនាបន្លាស់ទី និងការហ្វឹកហាត់កីឡាតម្រង់ទិសសម្រាប់កុមារតូចលើវិញ្ញាសាអត្តពលកម្មដូចជា ការរត់ ការលោត ការផ្លោះ ជាដើម ដើម្បីឱ្យការលូតលាស់ផ្នែកកាយសម្បទារបស់ប្អូនៗបានកាន់តែមានភាពរឹងមាំ មានសុខភាពល្អបង្កើតសមត្ថភាពប្រាជ្ញាស្មារតី ទេពកោសល្យ ទំនាក់ទំនងក្នុងក្រុម និងមជ្ឈដ្ឋានខាងក្រៅបានកាន់តែប្រសើរ។
ទិវាកីទ្បានេះត្រូបានរៀបចំទ្បើងដើម្បីផ្ដល់ឱកាសឱ្យសិស្សានុសិស្សទទួលបាននូវបទពិសោធន៍ និងអត្តប្រយោជន៍ជាច្រើនបន្ថែមលើមេរៀនក្នុងថ្នាក់ដូចខាងក្រោម៖
១. ជំរុញការលូតលាស់កាយសម្បទាឱ្យបានកាន់តែមានភាពរឹងមាំ និងមានសុខភាពល្អ។
២. បង្កើនសមត្ថភាព ប្រាជ្ញា ស្មារតី និងទេពកោសល្យដល់ប្អូនៗ។
៣. បង្កើនភាពក្លាហាន និងបទពិសោធន៍ក្នុងការសហការ ការដឹកនាំ ភាពម្ចាស់ការ ឯករាជ្យភាព សាមគ្គីភាព ទំនាក់ទំនងក្រុម និងមជ្ឈដ្ឋានខាងក្រៅបានកាន់តែប្រសើរ។
៤. មានស្មារតីបម្រុងប្រយ័ត្នចំពោះការទុកដាក់ និងថែរក្សារបស់របរផ្ទាល់ខ្លួន។
កម្មវិធីបានបញ្ចប់ទៅដោយប្រកបដោយបរិយាកាសយ៉ាងសប្បាយរីករាយ ។
សូមចុចតំណលីងខាងក្រោមដើម្បីទស្សនារូបភាពបន្ថែម៖
ទិវាកីឡាលើកទី៥ សម្រាប់សិស្សានុសិស្សថ្នាក់ក្រោមមត្ដេយ្យ និងមត្តេយ្យសិក្សា
ខ្មែរ
អង់គ្លេស