ទំព័រដើម / សកម្មភាពពិសោធន៍របស់សិស្សានុសិស្សថ្នាក់ទី៧ មុខវិជ្ជាគីមីវិទ្យា
នៅថ្ងៃទី១៣ ខែឧសភា ឆ្នាំ២០២៣ កន្លងទៅនេះ សិស្សថ្នាក់ទី៧ ធ្វើពិសោធលើមុខវិជ្ជា គីមីវិទ្យា ដែលមានប្រធានបទសី្តពីការកំណត់អត្តសញ្ញាណអុកស៊ីសែន និងកាបូនឌីអុកស៊ីត ដោយដឹកនាំដោយ អ្នកគ្រូ ស៊ីម វណ្ណះ នៃសាលារៀន អន្តរទ្វីប អាមេរិកំាង សាខាចោមចៅ។ ការពិសោធនេះអាចដំណើរការទៅបាន គឺត្រូវមានសម្ភារៈមួយចំនួនដូចជា កែវបេស៊ែ ទឹកអុកស៊ីសែន ម៉ង់កាណែសអុកស៊ីត ទឹកកំបោរថ្លា ចង្កឹះកែវ បំពង់បឺត ធូប និងដែកកេះជាដើម។ ក្រោយការពិសោធអាចឱ្យសិស្សទាំងអស់សង្កេតឃើញថា អុកស៊ីសែន ជាឧស្ម័នការពារចំហេះ ហើយវាអាចធ្វើឱ្យរងើកភ្លើងធូបឆេះច្រាលឡើង។ មួយវិញទៀត ឧស្ម័នកាបូនឌីអុកស៊ីត ប្រែទឹកកំបោរពីថ្លាទៅល្អក់ បន្ទាប់ពីបញ្ចូលខ្យល់អុកស៊ីសែនរួច។ បន្ទាប់ពីអ្នកគ្រូបានបង្ហាញជូនពីដំណើរការពិសោធ និងបានពន្យល់ណែនាំលម្អិតពីទ្រឹស្តីពិសោធរួចមក អ្នកគ្រូក៏បានធ្វើការបែងចែកសិស្សជាក្រុម ដោយក្នុងមួយក្រុមមានសមាជិក០៤នាក់ទៅ០៥នាក់។ បន្ទាប់មក សិស្សានុសិស្សតាមក្រុមនីមួយៗក៏បានសហការគ្នាយ៉ាងល្អក្នុងការចូលរួមអនុវត្តពិសោធជាក់ស្តែង ដោយមានការណែនាំពីសំណាក់អ្នកគ្រូ រហូតទទួលបានលទ្ធផលល្អប្រសើរ និងបានសម្រេចវត្ថុបំណងដូចដែលបានរំពឹងទុក។
ខ្មែរ
អង់គ្លេស