ទំព័រដើម / លោកស្រី ឥន សូហ្វីយ៉ា
ចាងហ្វាងក្រោមមត្តេយ្យ មត្តេយ្យ និងបឋមសិក្សា សាខាផ្សារថ្មី
រីករាយស្វាគមន៍ជាមួយការចូលមកកាន់ សាលារៀន អន្តរទ្វីប អាមេរិកាំង សាខាផ្សារថ្មី !
នាងខ្ញុំពិតជាមានសេចក្តីសោមនស្សរីករាយយ៉ាងខ្លាំងសម្រាប់ការចូលរួមគាំទ្រ សហការពីសំណាក់លោក លោកស្រីដែលជាមាតា បិតា ឬអ្នកអាណាព្យាបាលដែលតែងតែពេញចិត្ត ហើយជឿជាក់លើសេវាកម្ម គុណភាព និងវិន័យរបស់សាលារៀនយើងកន្លងមករហូតដល់បច្ចុប្បន្ន។ ទន្ទឹមនឹងការជឿជាក់របស់លោកអ្នក ក្រុមការងារយើងក៏រឹតតែមានកម្លាំងចិត្តបន្តព្យាយាម និងអភិវឌ្ឍ លើគ្រប់ផ្នែកនៃសាលារៀន។ AIS ត្រូវបានទទួលស្គាល់ដោយក្រសួងអប់រំ យុវជន និងកីឡា ព្រមជាមួយកម្មវិធីសិក្សាស្របតាមក្រសួងដាក់ជូនផងដែរ ។ ក្រោមការព្រួយបារម្ភ និងខ្វល់ខ្វាយពីលោកប្រធានគួច ម៉េង លី សាលារៀនយើងបានបង្កើតមជ្ឈមណ្ឌលសុខភាព ម៉េងលី ជេ. គួច សម្រាប់ពិនិត្យ និងព្យាបាលជូនដល់ប្អូនៗសិស្សានុសិស្ស និងបុគ្គលិកគ្រប់ផ្នែក។
ជាទីបញ្ចប់សូមថ្លែងអំណរគុណដល់លោក លោកស្រីដែលតែងតែចូលរួម សហការគាំទ្រ និងផ្តល់ទំនុកចិត្តមកលើសាលារៀនយើងកន្លងមក ហើយក៏សង្ឃឹមដែរថាលោកអ្នកនៅតែបន្តសកម្មភាពសហការនេះជាបន្តបន្ទាប់ទៀត ។ នាងខ្ញុំសូមគោរពជូនពរដល់ លោក លោកស្រីដែលជាមាតា បិតា និងអ្នកអាណាព្យាបាលព្រមជាមួយប្អូនៗសិស្សានុសិស្សជាទីស្រឡាញ់ទាំងអស់ឱ្យជួបប្រទះតែ សុខសុវត្ថិភាព សំណាងល្អ សុខភាពល្អ និងជោគជ័យគ្រប់ភារកិច្ច ។
ការអប់រំល្អ ផ្តល់ភាពបវរដល់អនាគត!
ខ្មែរ
អង់គ្លេស