ទំព័រដើម / កម្មវិធីសិក្ខាសាលាស្ដីអំពី “សុវត្ថិភាពចរាចរណ៍ផ្លូវគោក”
កាលពីថ្ងៃ០៧ ខែមីនា ឆ្នាំ២០២៤ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង សាខាតាកែវ បានរៀបចំសិក្ខាសាលាស្តីអំពី សុវត្ថិភាពចរាចរណ៍ផ្លូវគោក ជូនដល់សិស្សានុសិស្សថ្នាក់ទី៧ ដល់ទី១២ នៃសាលារៀន អន្តរទ្វីប អាមេរិកាំង សាខាតាកែវ ដោយសហការជាមួយស្នងការនគរបាលខេត្តតាកែវ។ សព្វថ្ងៃនេះបញ្ហាប្រឈមនៃគ្រោះថ្នាក់ចរាចរណ៍ផ្លូវគោកមិនមែនជារឿងដែលគួរឱ្យមើលរំលង ឬជារឿងរបស់បុគ្គលណាម្នាក់ឡើយ ពោលវាគឺជាបញ្ហារបស់មនុស្សនៅទូទាំងប្រទេស ដូច្នេះហើយ សាលារៀន អន្តរទ្វីប អាមេរិកាំង សាខាតាកែវ បានរៀបចំកម្មវិធីនេះឡើង ដើម្បីឱ្យសិស្សានុសិស្សទាំងអស់នឹងមានឱកាសសិក្សាពីភ្លើងសញ្ញាចរាចរណ៍ ស្លាកសញ្ញា គំនូសសញ្ញាលើដងផ្លូវ និងផ្លូវអាទិភាព ឬសញ្ញាហាមឃាត់ផ្សេងៗ។ មិនត្រឹមតែប៉ុណ្ណោះ សិស្សទាំងអស់ នឹងបានចូលរួមគោរពច្បាប់ចរាចរណ៍ឱ្យបានត្រឹមត្រូវ ក៏ដូចជាចូលរួមកាត់បន្ថយបញ្ហាកកស្ទះចរាចរណ៍ដែលបណ្តាលមកពីការបើកបរមិនគោរពច្បាប់ ឬជិះបញ្ច្រាសផ្លូវជាដើម។
ខ្មែរ
អង់គ្លេស