ការចែកបណ្ណសរសើរដល់សិស្សដែលចូលចិត្តអានសៀវភៅ សម្រាប់ឆមាសទី១ឆ្នាំ២០២៤

ទំព័រដើម / ការចែកបណ្ណសរសើរដល់សិស្សដែលចូលចិត្តអានសៀវភៅ សម្រាប់ឆមាសទី១ឆ្នាំ២០២៤

នាថ្ងៃទី១៥​ ខែមីនា ឆ្នាំ២០២៤ បណ្ណាល័យ ម៉េងលី ជេ.​ គួច នៃសាលារៀន អន្តរទ្វីប អាមេរិកាំង សាខាតាកែវ​ បានធ្វើការផ្តល់បណ្ណសរសើរជូនដល់ សិស្សានុសិស្សចូលចិត្តអានសៀវភៅសម្រាប់ឆមាសទី១ ឆ្នាំសិក្សា២០២៣-២០២៤។ កម្មវិធីនេះធ្វើឡើង ដើម្បីជាការលើកទឹកចិត្ត និង​អបអរសាទរដល់ប្អូនៗសិស្សានុសិស្ស  នៃសាលារៀន អន្ដរទ្វីប អាមេរិកាំង ដែលតែងតែ​បាន​​ចំណាយពេលក្រៅពីម៉ោងសិក្សា​  ​​ក្នុងការអានសៀវភៅ ក៏ដូចជា​ចូល​រួមរាល់សកម្មភាពផ្សេងៗ​នៅក្នុងបណ្ណាល័យយ៉ាងយកចិត្តទុកដាក់  និង​គោរព​ច្បាប់វិន័យ​របស់បណ្ណាល័យបាន​យ៉ាងល្អ។ ជានិច្ចកាលក្នុងមួយឆមាសម្តង បណ្ណាល័យ​​ ម៉េង​លី ជេគួច តែងតែ​ប្រគល់​បណ្ណ​សរសើរ​​ដល់អ្នកដែលចូលចិត្ត អានសៀវភៅ ដើម្បីជាការជំរុញ​លើក​ទឹក​ចិត្ត និងបង្ហាញ​ពីការ​​គាំទ្រ​​​ដ៏ពេញទំហឹងចំពោះទម្លាប់ដ៏ល្អនេះ។ សិស្សានុសិស្សមានភាពសប្បាយរីករាយ និងត្រេកអរចំពោះការទទួលបានបណ្ណសរសើរដែលបណ្ណាល័យ ម៉េងលី ជេគួច បាន​ប្រគល់​​ជូន។ នេះជាការលើកទឹកចិត្តដ៏សំខាន់ដល់សិស្សានុសិស្ស សម្រាប់​ការខិតខំប្រឹងប្រែងរបស់ពួកគេ។

បន្ទាប់ពីទទួលបានបណ្ណសរសើររួចមក ប្អូនៗសិស្សានុសិស្សមានអារម្មណ៍សប្បាយ​​រីករាយ រំភើបជា​មួយ​​លោកគ្រូ អ្នកគ្រូ និងមិត្តរួមថ្នាក់របស់ពួកគេ។ តាមរយៈ​​ការផ្តល់បណ្ណសរសើរនេះ និងធ្វើឱ្យ​សិស្សានុសិស្ស​​​កាន់តែ​មាន​ការខិតខំប្រឹងប្រែងជាងមុនក្នុងការអានសៀវភៅក៏ដូចជា​ការចូល​រួម​សកម្មភាពនៅក្នុងបណ្ណាល័យថែមទៀត។

ធ្វើឱ្យជិវិតកូនលោកអ្នកកាន់តែប្រសើរ