ទំព័រដើម / សិស្សថ្នាក់ទី៣ចុះកម្មសិក្សា
កាលពីថ្ងៃទី១៣ ខែ ខែឧសភា ឆ្នាំ២០២២ កន្លងទៅនេះគណៈគ្រប់គ្រងសាលារៀន អន្ដរទ្វីប អាមេរិកាំង បាននាំសិស្សានុសិស្សថ្នាក់ទី៣ចុះកម្មសិក្សាលើកទី៤៩ នៅគណៈគ្រប់គ្រង មណ្ឌលកម្សាន្ត Fly Phnom Penh ដែលស្ថិតនៅអគារលេខ១១៥៩ តាមបណ្តោយផ្លូវជាតិលេខ២ រាជធានីភ្នំពេញ។
កម្មវិធីចុះកម្មសិក្សានេះ គឺជាឱកាសមួយសម្រាប់សិស្សានុសិស្សសិក្សាសង្កេតអំពីមហាជន និងបរិស្ថានជុំវិញហើយនេះក៏ជាឱកាសដែលសិស្សានុសិស្សទទួលបាននូវចំណេះដឹងជាច្រើនបន្ថែមលើ
មេរៀនក្នុងថ្នាក់ដូចជា៖
១. ស្វែងយល់ពីឧបករណ៍សិក្សាដ៏ទំនើបៗនៅក្នុងសួនកម្សាន្តសម្រាប់កុមារ។
២. ចេះពីរបៀបក្នុងការលេងឧបករណ៍កម្សាន្តផ្សេងៗប្រកបដោយសុវត្ថិភាព និងមិត្តភាព។
៣. បម្រុងប្រយ័ត្នចំពោះការទុកដាក់របស់របរ និងថែរក្សាប្រាក់កាក់របស់ខ្លួនក្នុងពេលធ្វើដំណើរកម្សាន្តតាម ទីសាធារណៈ។
៤. បង្កើនភាពក្លាហាន និងបទពិសោធក្នុងការសហការ ការដឹកនាំ សាមគ្គីភាព ឯករាជ្យភាព ភាពម្ចាស់ការ ទំនាក់ទំនងក្នុងក្រុម និងទំនាក់ទំនងជាមួយមហាជនបានកាន់តែប្រសើរ។
៥. រឹតចំណងមិត្ដភាព និងសាមគ្គីភាពជាមួយមិត្ដរួមថ្នាក់ និងមិត្ដរួមសាលារៀនរបស់ពួកគេ។
៦. បានឆ្លុះបញ្ចាំង និងស្វែងយល់ពីស្ថានភាពសង្គមជាក់ស្ដែង។
៧. ទទួលបាននូវចំណេះដឹងថ្មីៗ និងអារម្មណ៍ជ្រះថ្លាក្នុងពេលកំពុងចុះកម្មសិក្សានៅទីនោះ ក៏ដូចជាពេលត្រឡប់មកគេហដ្ឋានវិញផងដែរ។
បន្ទាប់ពីចុះកម្មសិក្សាបានបញ្ចប់ សិស្សានុសិស្ស លោកគ្រូ អ្នកគ្រូ និងចាងហ្វាងបាន ថតរូបអនុស្សាវរីយ៍នៅមណ្ឌលកម្សាន្តមុនពេលធ្វើដំណើរត្រលប់មកសាលារៀន វិញ ប្រកបដោយសុវត្ថិភាព និងភាព រីករាយ។
ខ្មែរ
អង់គ្លេស