ទំព័រដើម / ការប្រកួតពន្យល់ពាក្យភាសាខ្មែរ លើកទី៣ វគ្គផ្ដាច់ព្រ័ត្រ សម្រាប់ថ្នាក់ទី៤ ដល់ទី៦
កាលពីថ្ងៃទី១០ ខែមិថុនា ឆ្នាំ២០២៣កន្លងទៅថ្មីៗនេះ គណៈគ្រប់គ្រងសាលារៀន អន្តរទ្វីប អាមេរិកាំង បានរៀបចំការប្រកួតពន្យល់ពាក្យភាសាខ្មែរលើកទី៣ វគ្គផ្តាច់ព្រ័ត្រ ដែលប្រព្រឹត្តទៅនៅសាលប្រជុំ សូវ ហុងគុយ ជាន់ទី១៧ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង។ នៅក្នុងការប្រកួតវគ្គផ្តាច់ព្រ័ត្រនេះផងដែរ មានបេក្ខជនចូលរួមជាច្រើននាក់។ ឆ្លងកាត់ការប្រកួតយ៉ាងស្វិតស្វាញ គណៈកម្មការបានរកឃើញបេក្ខជនដែលឍទទួលបានជ័យលាភីលេខ១ លេខ២និងលេខ៣ក្នុងវគ្គផ្ដាច់ព្រ័ត្រនេះ។ នេះជាលើកទីបីហើយដែលសាលារៀន អន្តរទ្វីប អាមេរិកាំង បានរៀបចំការប្រកួតពន្យល់ពាក្យភាសាខ្មែរនេះ ដែលការប្រកួតនេះធ្វើឡើងសម្រាប់ប្អូនសិស្សានុសិស្សថ្នាក់៤ ដល់ថ្នាក់ទី៦៕
រង្វាន់សម្រាប់អ្នកទទួលបានជ័យលាភី
– លេខ១ ៖ ពានរង្វាន់មេដាយមាសមួយ អាហាររូបករណ៍សិក្សា៧៥% បណ្ណសរសើ និងវត្ថុអនុស្សាវរីយ៍
– លេខពីរ ៖ ពានរង្វាន់មេដាយប្រាក់មួយ អាហាររូបករណ៍សិក្សា៥០% បណ្ណសរសើ និងវត្ថុអនុស្សាវរីយ៍
– លេខបី ៖ ពានរង្វាន់មេដាយសំរិទ្ធិមួយ អាហាររូបករណ៍សិក្សា២៥% បណ្ណសរសើ និងវត្ថុអនុស្សាវរីយ៍
បេក្ខជនទាំងអស់ដែលចូលដល់វគ្គផ្តាច់ព្រ័ត្រនឹងទទួលបានបណ្ណសរសើរពីខាងសាលារៀន អន្តរទ្វីប អាមេរិកាំង។
សូមចុចតំណលីងខាងក្រោមដើម្បីទស្សនារូបភាពបន្ថែម៖
ការប្រកួតពន្យល់ពាក្យភាសាខ្មែរ លើកទី៣ វគ្គផ្ដាច់ព្រ័ត្រ សម្រាប់ថ្នាក់ទី៤ ដល់ទី៦
អ៊ីរ៉ាវាឌី ដូហ្វីន
ខ្មែរ
អង់គ្លេស