ទំព័រដើម / ពិធីប្រគល់មេដាយ និងបណ្ណសរសើរ ដល់សិស្សានុសិស្ស
កាលពីថ្ងៃទី១៥ ខែមិថុនា ឆ្នាំ២០២៤ កន្លងទៅនេះ គណៈគ្រប់គ្រងសាលារៀន អន្តរទ្វីប អាមេរិកាំង ការិយាល័យកណ្តាល បានរៀបចំពិធីប្រគល់មេដាយ និងបណ្ណសរសើរ ជូនដល់សិស្សានុសិស្សដែលបានចូលរួមប្រកួតគណិតវិទ្យាអាស៊ី អន្តរជាតិអូឡាំពិក វគ្គជម្រុះជុំទី១ ឆ្នាំ២០២៤ នៅសាលប្រជុំ សូវ ហុងគុយ (ជាន់ទី១៧) អគារ លីម គីមណយ។ ក្រោមអធិបតីភាព លោកស្រី រស់ យ៉ាណា ប្រធាន នៃសាលារៀន អន្តរទ្វីប អាមេរិកាំង។ ហើយនៅក្នុងពិធីនេះដែរ ក៏មានការអញ្ជើញចូលរួមជាកិត្តិយសពីសំណាក់លោកគ្រូ អ្នកគ្រូ និងមាតាបិតា ឬអ្នកអាណាព្យាបាលសិស្ស ដើម្បីចូលរួមអបអរសាទរផងដែរ។
អ្វីដែលពិសេសនោះ គឺជោគជ័យទាំងអស់នេះ ពុំមែនកើតចេញពីព្រេងសំណាងនោះទេ តែផ្ទុយមកវិញគឺកើតចេញពីការខិតខំប្រឹងប្រែង និងមានផែនការអប់រំ ក៏ដូចជាទស្សនវិស័យយ៉ាងច្បាស់លាស់ ព្រមទាំគួបផ្សំជាមួយនឹងការសហការរបស់សិស្សានុសិស្ស និងការជំរុញលើកទឹកចិត្តរបស់មាតាបិតា ឬអ្នកអាណាព្យាបាលផងដែរ។
សូមចុចតំណលីងដើម្បីទស្សនារូបភាពបន្ថែម៖
https://www.facebook.com/ais.mjqeducation/
ខ្មែរ
អង់គ្លេស