ទំព័រដើម / ផ្នែកថែទាំអគារ និងសាខា
ផ្នែកថែទំាអគារ និងសាខា ដើរតួយ៉ាងសំខាន់ក្នុងការចូលរួមចំណែកអភិវឌ្ឍន៍ក្រុមហ៊ុន ម៉េងលី ជេ. គួច អេឌ្យូខេ សិន។ សព្វថ្ងៃនេះ ផ្នែកថែទំាអគារ និងសាខាមានតួនាទីគ្រប់គ្រង និងថែទាំរាល់កិច្ចការងារដែលរួមមាន ការងារទូទៅក្នុងអគារ ដូចជា ការរចនា ការតុបតែងលម្អ ការជួលជុល ការពិនិត្យគ្រឿងម៉ាស៊ីន អេឡិចត្រូនិក និងទុយោទឹក ព្រមទាំងសម្ភារៈដទៃទៀតដែលមានតាមអគារ ពោលគឺ ដើម្បីឱ្យអគាររបស់យើងមានភាពស្រស់ស្អាតសម្រាប់បម្រើដល់អ្នកអាណាព្យាបាលសិស្ស ឬដល់សិស្សានុសិស្សផ្ទាល់ប្រកបដោយគុណភាព ផាសុកភាព និងសុវត្ថិភាព។
ជាងនេះទៀត ផ្នែកថែទំាអគារ និងសាខាបម្រើជូននូវសេវាកម្មប្រកបដោយវិជ្ជាជីវ: និងជំនាញច្បាស់លាស់ ដើម្បីជួយឱ្យក្រុមហ៊ុនសម្រេចបេសកកម្ម ចក្ខុវិស័យ និងនិរន្តភាពរបស់ខ្លួន។ ដើម្បីធានាបាននូវសុវត្ថិភាព និងការប្រតិបត្តិការការងារដោយរលូន រាល់អគារទាំងអស់ត្រូវមានបុគ្គលិកផ្នែកថែទំាអគារ និងសាខាម្នាក់ ដើម្បីប្រចាំការ និងដោះស្រាយបញ្ហាណាមួយដែលកើតឡើង។ ក្នុងករណីដែលមានបញ្ហា ពួកគាត់នឹងអាចដោះស្រាយបានទាន់ពេល និងមានប្រសិទ្ធភាព ដោយមានការសហការគ្នាជាក្រុមបានយ៉ាងល្អប្រសើរ។
ការទទួលខុសត្រូវចម្បងរបស់ផ្នែកថែទំាអគារ និងសាខាគឺការថែរក្សា និងដំឡើងទាំងឧបករណ៍ដែលមានស្រាប់ និងថ្មី ក៏ដូចជាសម្ភារៈផ្សេងទៀត ដែលផ្នែកផ្សេងៗបានស្នើសុំ។ សេវាកម្មរួមមាន៖
ក្នុងនាមជាអ្នកមើលថែទាំអគារនៃក្រុមហ៊ុន ម៉េងលី ជេ. គួច អេឌ្យូខេសិន គឺត្រូវមានកាយសម្បទារឹងមាំ ដើម្បីបំពេញការងារដែលមានដូចជា ការលីសែង ការយួរ កាន់របស់ធ្ងន់ ការឱនឡើងចុះ និងការលូន ឬលត់ជង្គង់ជាដើម។ ជាទូទៅ ការងាររបស់យើងគឺ អង្គុយ ៣៣% ដើរ ៣៣% និងឈរ ៣៤%។ ហេតុដូចនេះ បុគ្គលិកនឹងត្រូវប្រឈមនឹងហានិភ័យនៃការរងរបួស និងមានជំងឺ ដោយសារលក្ខខណ្ឌនៃការងាររបស់យើង។
ខ្មែរ
អង់គ្លេស