ផ្នែកកាំមេរ៉ាសុវត្ថិភាព
ដើម្បីពង្រឹងសុវត្ថិភាពសាលារៀន និងមានការសហការជាមួយផ្នែកសាលារៀន និងសុវត្ថិភាពសាធារណៈដែលផ្តោតសំខាន់ទៅលើសុវត្ថិភាព។ យើងមានក្រុមប្រតិបត្តិការ (ផ្នែកកាំមេរ៉ាសុវត្ថិភាព) ដែលពិនិត្យលើសុវត្ថិភាពទូទៅតាមរយៈកាំមេរ៉ាច្រើនគ្រឿងដែលបានដំឡើងនៅគ្រប់តំបន់ដែលអាចនឹងមានហានិភ័យផ្សេងៗកើតឡើង។ ផ្នែកនេះពិតជាសំខាន់សម្រាប់ក្រុមហ៊ុនទាំងមូល ដែលក្រុមប្រតិបត្តិការរបស់យើងធ្វើការវិលជុំពេញមួយសប្តាហ៍។ ផ្នែកនេះមិនត្រឹមតែត្រួតពិនិត្យទៅលើបញ្ហាសុវត្ថិភាពប៉ុណ្ណោះទេ ផ្នែកនេះក៏ត្រួតពិនិត្យផងដែរទៅលើរាល់បុគ្គលិកនីមួយៗដើម្បីធានាឱ្យបានការធ្វើការប្រកបដោយប្រសិទ្ធភាព និងគោរពតាមគោលការណ៍សំខាន់របស់ក្រុមហ៊ុន។
ផ្នែកកាំមេរ៉ាសុវត្ថិភាព របស់យើងដំណើរការនៅទូទាំងអគារសាលារៀន៖
ក្នុង / ក្រៅថ្នាក់រៀន
- ពិនិត្យសកម្មភាពទូទៅជាពិសេសការបង្រៀនរបស់គ្រូ និងសិស្ស។
- ពិនិត្យមើលប្រសិនបើមានការឈ្លោះប្រកែកគ្នា ឬវាយគ្នាបណ្តាលមកពីសិស្ស។
- ធ្វើអធិការកិច្ចនៅពេល និងក្រោយពេលបាត់បង់ ឬខូចខាតរបស់របរផ្សេងៗដែលបណ្តាលមកពីសិស្ស។
- ត្រួតពិនិត្យទៅលើឧបករណ៍អគ្គិសនីដើម្បីធានាថាបានបិទយ៉ាងត្រឹមត្រូវបន្ទាប់ពីប្រើប្រាស់រួច។
- ធានាឱ្យបានថាមិនមានការលួចចម្លងក្នុងពេលប្រឡង ។
- ធានាឱ្យបានថាគ្មានការធ្វើបាបអ្នកដទៃគ្រប់រូបភាព។
- ត្រូវប្រាកដថាមិនមានការគំរាមកំហែង អំពើហិង្សា ឬការប្រើប្រាស់គ្រឿងញៀន។
ផ្នែកកាំមេរ៉ាសុវត្ថិភាព ច្រកចូលអគារ
- ត្រួតពិនិត្យប្រសិនបើមានជនប្លែកមុខ និងជនសង្ស័យ។
- ត្រួតពិនិត្យសុវត្ថិភាពនៅពេលសិស្សឡើងឡានសាលា។
- ត្រួតពិនិត្យប្រសិនបើមានបទឧក្រិដ្ឋ និងការបំផ្លាញផ្សេងៗ។
- ត្រួតពិនិត្យប្រសិនបើមានការឈ្លោះប្រកែកគ្នា ឬវាយគ្នាដែលបណ្តាលមកពីសិស្ស និងអ្នកខាងក្រៅ។
ផ្នែកកាំមេរ៉ាសុវត្ថិភាព ក្នុងជណ្តើរយន្ត
- ពិនិត្យសុវត្ថិភាពទូទៅពេលមនុស្សនៅក្នុងប្រអប់។
- ពិនិត្យមើលរាល់ការប្រើប្រាស់ជណ្តើរយន្ត។
ខ្មែរ
អង់គ្លេស