ទំព័រដើម / ការបំពាក់គ្រឿងបរិក្ខារទំនើប
ជាមួយបរិស្ថានល្អ បរិក្ខារអប់រំ និងបច្ចេកវិទ្យាទំនើប សាខានីមួយៗនៃសាលារៀនយើង គឺជាកន្លែងដ៏ល្អប្រសើរសម្រាប់កូនលោកអ្នក។
សាលារៀនយើងមានមោទនភាពក្នុងការផ្តល់នូវបរិស្ថានអប់រំដ៏ល្អសម្រាប់កូនរបស់លោកអ្នក។ ជាមួយគ្នានេះដែរ យើងបានធ្វើការវិនិយោគដើម្បីធានាដល់កូនៗឱ្យទទួលបាននូវបរិស្ថានមួយទំនើប ភ្លឺរលោង ព្រមជាមួយគុណភាពល្អពិសេសនៃបរិក្ខារ និងទីកន្លែងសម្រាប់ហាត់កីឡា សិល្បៈ ឬរបាំ លេងតន្រ្តី សិក្សាមុខវិជ្ជាគេហកិច្ច ក៏ដូចជាបន្ទប់សិក្សាផ្សេងៗទៀតផងដែរ។
គ្រប់សាខានីមួយៗមានលក្ខណៈ និងទីតាំងពិសេសៗដាច់ដោយឡែកពីគ្នា។ ប៉ុន្តែយើងមានការប្តេជ្ញាចិត្តក្នុងការផ្តល់នូវគុណភាពអប់រំប្រកបដោយគុណភាព និងបរិយាកាសរីករាយដូចៗគ្នាសម្រាប់កូនៗ។
ជាមួយប្រព័ន្ធ Wifi និងប្រព័ន្ធបច្ចេកវិទ្យាផ្សេងៗទៀតដែលត្រូវបានបំពាក់ ក៏ដូចជាការបង្កើតនូវបណ្ណាល័យដែលមានឯកសារច្រើន និងសម្បូរបែបជាលក្ខណៈសកល គឺធ្វើឱ្យកូនៗគ្រប់រូបមានមធ្យោបាយគ្រប់គ្រាន់សម្រាប់ស្រាវជ្រាវនូវអ្វីដែលពួកគាត់ត្រូវការដើម្បីបង្កើតនូវភាពច្នៃប្រឌិត ការចង់ចេះចង់ដឹង និងក្លាយជាអ្នកសិក្សាដែលមានភាពជោគជ័យ។
អគារគ្រប់សាខារបស់យើងនីមួយៗ ត្រូវបានបំពាក់ទៅដោយបរិក្ខារអប់រំគុណភាពសកល និងមានការរៀបចំតុបតែងផ្សេងៗប្រកបដោយវិជ្ជាជីវៈខ្ពស់ និងការទាក់ទាញ ដែលបង្កលក្ខណៈឱ្យកូនរបស់លោកអ្នកមានភាពកក់ក្តៅ មានទំនុកចិត្ត និងអារម្មណ៍ស្រស់ថ្លាសម្រាប់ស្រូបយកចំណេះដឹងប្រកបដោយប្រសិទ្ធភាព។
ដោយគិតអំពីស្តង់ដារនៃគុណភាពជាលក្ខណៈសកល សាលារៀនយើងត្រូវបានបំពាក់ដោយបរិក្ខារបច្ចេកវិទ្យាទំនើបៗមានដូចជាប្រព័ន្ធសុវត្ថិភាពផ្សេងៗ ប្រព័ន្ធអ៊ិនធឺណែត Wifi នៅគ្រប់ជាន់សម្រាប់សិស្សធ្វើការស្រាវជ្រាវ បន្ទប់ Lab កុំព្យូទ័រសម្រាប់សិស្សសិក្សាបច្ចេកវិទ្យា និងស្រាវជ្រាវ ប្រព័ន្ធ LCD Projector នៅតាមថ្នាក់នីមួយៗសម្រាប់ការបង្រៀនប្រកបដោយភាពទំនើប និងប្រសិទ្ធភាពរបស់គ្រូ ព្រមទាំងប្រព័ន្ធផ្សេងៗទៀតដើម្បីធ្វើយ៉ាងណាឱ្យបរិយាកាសនៃការបង្រៀន និងការរៀនរបស់លោកគ្រូ អ្នកគ្រូ និងកូនៗទទួលបានផ្លែផ្កាជាវិជ្ជមានហួសពីការរំពឹងទុក។
ខ្មែរ
អង់គ្លេស