ទំព័រដើម / នាយកចាងហ្វាងសាលា
សូមជម្រាបសួរ និងសូមស្វាគមន៍លោកអ្នកអាណាព្យាបាល និងប្អូនៗសិស្សានុសិស្សទាំងអស់មកកាន់គេហទំព័រនៃ សាលារៀន អន្តរទ្វីប អាមេរិកាំង!
ជាបឋម ខ្ញុំសូមថ្លែងអំណរគុណដល់លោកអ្នកអាណាព្យាបាល និងប្អូនៗសិស្សានុសិស្សទាំងអស់ដែលតែងតែមានទំនុកចិត្ត និងការជឿជាក់មកលើគុណភាពអប់រំរបស់សាលារៀន អន្តរទ្វីប អាមេរិកាំង។ ជាការពិតណាស់ វាគ្មានអ្វីធ្វើឱ្យយើងរីករាយជាងការដែលឃើញសិស្សានុសិស្សរបស់យើងទទួលបាននូវការអប់រំមួយប្រកបដោយគុណភាពដែលផ្ដល់ឱកាសឱ្យពួកគាត់អាចចូលខ្លួនទៅធ្វើការប្រកួតប្រជែងបានយ៉ាងពេញលេញនៅលើឆាកជាតិ និងអន្តរជាតិនោះឡើយ។
មិនថានៅក្នុងយុគសម័យណាក៏ដោយ ការអប់រំគឺពិតជាមានសារសំខាន់ណាស់ ហើយតួនាទីជាអ្នកអប់រំគឺកាន់តែចាំបាច់ណាស់ទៅទៀត។ ដូច្នេះហើយសូមលោកគ្រូ អ្នកគ្រូ មាតា បិតា និងលោកអ្នកអាណាព្យាបាល មេត្តាយកចិត្តទុកដាក់ និងចូលរួមលើកកម្ពស់គុណភាព និងប្រសិទ្ធិភាពអប់រំឱ្យកាន់តែប្រសើរឡើងថែមទៀតដើម្បីជាប្រយោជន៍ដល់អនាគតអ្នកជំនាន់ក្រោយ។ បន្ថែមពីលើនេះ ប្អូនសិស្សានុសិស្ស ក្នុងនាមជាអ្នកទទួលខុសត្រូវបន្តលើអនាគតខ្លួន និងមនុស្សជាតិទាំងអស់ គប្បីកុំធ្វេសប្រហែស ខ្ជះខ្ជាយពេលវាលា និងកម្លាំងកាយចិត្ត ហើយប្រឹងប្រែងលត់ដំសមត្ថភាពខ្លួនទាន់នៅក្មេងដើម្បីអាចដើរតួនាទីយ៉ាងសកម្មជាអ្នកដឹកនាំមុខនៅក្នុងវិស័យដែលខ្លួនពេញចិត្ត និងចូលរួមចំណែកដល់ការរីកចម្រើនឥតឈប់ឈររបស់សង្គមជាតិ និងពិភពលោកទាំងមូល។
ដើម្បីធ្វើដូច្នេះបាន វាសំខាន់ណាស់ដែលប្អូនៗត្រូវយកចិត្តទុកដាក់មិនត្រឹមតែទៅលើការសិក្សាគ្រប់មុខវិជ្ជាដែលប្អូនៗកំពុងរៀនឱ្យអស់ពីសមត្ថភាពប៉ុណ្ណោះទេ ប៉ុន្តែត្រូវប្រឹងប្រែងហាត់ពត់បុគ្គលិកលក្ខណៈ ឥរិយាបថក្នុងការរស់នៅ ហើយកសាងមូលដ្ឋានគ្រឹះ និងដុសខាត់ចំណេះជំនាញរបស់ខ្លួនឱ្យបានខ្ជាប់ខ្ជួនពីមួយថ្ងៃទៅមួយថ្ងៃផងដែរ។ ហើយទាំងនេះគឺសុទ្ធសឹងជាអ្វីដែលយើងបាននឹងកំពុងធ្វើនៅក្នុងសាលារៀនមួួយនេះ។ ជោគជ័យរបស់សិស្សានុសិស្សយើងគឺជាជោគជ័យ និងកិត្តិយសរបស់យើងគ្រប់គ្នា ហើយសាលារៀន អន្តរទ្វីប អាមេរិកាំង គឺត្រូវបានបង្កើតឡើងដើម្បីគោលបំណងនេះហើយ! ដូច្នេះ សូមចូលរួមជាមួយយើងចាប់ពីថ្ងៃនេះ ដើម្បីធ្វើឱ្យជិវិតកូនលោកអ្នកកាន់តែប្រសើរ!
សូមអរគុណ!
លោក ដាង វិបុល នាយកចាងហ្វាង នៃសាលារៀន អន្តរទ្វីប អាមេរិកាំង សាខាម៉ៅសេទុង
លោក ជា សម្បត្តិ នាយកចាងហ្វាង នៃសាលារៀន អន្តរទ្វីប អាមេរិកាំង សាខាទួលគោលោក ជា សម្បត្តិ កើតនៅក្នុងឆ្នាំ១៩៨២ នៅរាជធានីភ្នំពេញ។ លោកទទួលបានសញ្ញាបត្រកម្រិតបរិញ្ញាបត្រ ផ្នែកប្រវត្តិសាស្រ្ត នៃសាកលវិទ្យាល័យភូមិន្ទភ្នំពេញ នៅក្នុងឆ្នាំ២០០៥។ នៅឆ្នាំ២០០៦ បានចេញទៅបម្រើការងារជាគ្រូបង្រៀន នៅវិទ្យាល័យព្រះរាជសម្ភារ ខេត្តកំពត បានរយៈពេល៣ឆ្នាំ។ ក្រោយមកបានផ្ទេរការងារពីខេត្តកំពត មកបម្រើកាងារនៅវិទ្យាល័យ ហ៊ុន សែន កំពង់កន្ទួត ខេត្តកណ្តាល។ លោក បានចូលបម្រើការងារនៅសាលារៀន អន្ដរទ្វីប អាមេរិកាំង នៅថ្ងៃទី១៤ ខែកញ្ញា ឆ្នាំ២០០៩ ក្នុងតួនាទីជាគ្រូបង្រៀនប្រវត្តិវិទ្យា ផ្នែកមធ្យមសិក្សាទុតិយភូមិ និងជាគ្រូបន្ទុកថ្នាក់ (ពេញម៉ោង)។ដោយយោងទៅលើសមត្ថភាពការងារ ការខិតខំប្រឹងប្រែង និងភាពតស៊ូ អត់ធ្មត់ក្នុងការបំពេញការងារក្នុងរយៈពេល០៦ឆ្នាំ ដែលលោកបានបម្រើការងារជូនសាលារៀន អន្ដរទ្វីប អាមេរិកាំង លោកទទួលបានការដំឡើងតួនាទីជាបន្ដបន្ទាប់ចំនួន៣ដង។
នៅខែកញ្ញា ឆ្នាំ២០១១ លោកត្រូវបានដំឡើងតួនាទីពីគ្រូបង្រៀនពេញម៉ោង ទៅជាមន្រ្តីរដ្ឋបាលកម្រិតមធ្យមសិក្សាទុតិយភូមិ។ បន្ទាប់មកនៅថ្ងៃទី១៩ ខែសីហា ឆ្នាំ២០១៣ លោកត្រូវបានដំឡើងតួនាទីទៅជាចាងហ្វាងរងមធ្យមសិក្សាទុតិយភូមិ នៃសាលារៀន អន្ដរទ្វីប អាមេរិកាំង សាខាម៉ៅសេទុង (ការិយាល័យកណ្តាល) ហើយក្រោយមកទៀតលោកត្រូវបានដំឡើងតួនាទីទៅជានាយកចាងហ្វាង និងចាងហ្វាងមធ្យមសិក្សាទុតិយភូមិ នៅខែវិច្ឆិកា ថ្ងៃទី១៨ ឆ្នាំ២០១៥។លោក បានបំពេញការងារយ៉ាងល្អប្រសើរជូនស្ថាប័នអស់រយៈពេល០៦ឆ្នាំកន្លងមកនេះ។ លោក គឺជាថ្នាក់ដឹកនាំមួយរូបដែលមានការប្តេជ្ញាចិត្តខ្ពស់ពោរពេញដោយគំនិតច្នៃប្រឌិត ប្រកបដោយក្រមសីមធម៌វិជ្ជាជីវៈខ្ពស់ក្នុងការបំពេញការងារ។ សាលារៀន បានកោតសរសើរយ៉ាងស្មោះចំពោះលោក ដែលមានការលះបង់ខ្ពស់ និងខិតខំអស់ពីកម្លាំងកាយចិត្តបំពេញការងារ ព្រមទាំងបានរួមចំណែកក្នុងការអភិវឌ្ឍស្ថាប័នឱ្យទទួលបានជោគជ័យរហូតមកដល់បច្ចុប្បន្ននេះ។
ជម្រាបសួរ លោក លោកស្រី ជាមាតាបិតា អ្នកអាណាព្យាបាល និងសាធារណជនទាំងអស់! សួស្តីប្អូនៗ សិស្សានុសិស្ស ខ្ញុំបាទឈ្មោះ ជាង ប៊ុនលី ជានាយកចាងហ្វាងនៃសាលារៀន អន្តរទ្វីប អាមេរិកាំង សាខាចាក់អង្រែ ខ្ញុំបានទទួលសញ្ញាបត្រគរុកោសល្យក្នុងឆ្នាំ២០០៥ បរិញ្ញាបត្រ ឆ្នាំ២០០៨ និងទទួលបានបរិញ្ញាជាន់ខ្ពស់ ឆ្នាំ២០១៧ និងចូលបំរើការងារក្នុងវិស័យអប់រំចាប់តាំងពីឆ្នាំ២០០៥ និងបានចូលបំរើការងារជាគ្រូបង្រៀន ពាក់ពេញម៉ោងនៅសាលារៀន អន្តរទ្វីប អាមេរិកាំង ចាប់ពីឆ្នាំ២០០៩។
សាលារៀន អន្តរទ្វីប អាមេរិកាំង បានយកចិត្តទុកដាក់បំពេញបេសកម្មអប់រំមួយឈរលើមាគ៌ាដ៏ត្រឹមត្រូវ ស្របតាមកម្មវិធីសិក្សារបស់ក្រសួង អប់រំ យុវជន និងកីឡា សាលាលើកកម្ពស់ និងលើកទឹកចិត្តសិស្សគ្រប់កម្រិតថ្នាក់ក្នុងការស្រាវជ្រាវតាមប្រព័ន្ធអ៊ីនធឺណេត និងតាមឯកសារក៏ច្រើននៅក្នុងបណ្ណាល័យ សាលាមិនត្រឹមតែបណ្តុះបណ្តាលសិស្សានុសិស្សឱ្យ មានចំណេះដឹងពិតប្រាកដ ក្រមសីលធម៌ ថែមទាំងឱ្យប្អូនចេះចែករំលែក មានទំនួលខុសត្រូវក្នុងសង្គម និងមានសមត្ថភាពគ្រប់គ្រាន់នៅពេលដែលប្អូនចេញរៀននៅតាមសកលវិទ្យាល័យនានាមិនថាក្នុងប្រទេស ឬក្រៅប្រទេសទេ ហើយអនាគតនឹងក្លាយជាធនធានមនុស្សពោរពេញដោយសមត្ថភាពទេពកោសល្យ សីលធម៌ និងមានទំនួលខុសត្រូវខ្ពស់ក្នុងសង្គម។ សាលារៀន អន្តរទ្វីប អាមេរិកាំង គឺជាថ្នាលបណ្តុះបណ្តាលដែលមានចក្ខុវិស័យច្បាស់លាស់គឺ “គុណភាព វិន័យ សេវាកម្ម” សម្រាប់សិស្សានុសិស្សមកពីគ្រប់មជ្ឈដ្ឋានដើម្បីទទួលការអប់រំប្រកបដោយ គុណភាព និងប្រសិទ្ធភាព។
ជាចុងក្រោយសូមថ្លែងអំណរគុណមាតាបិតា និងអ្នក អាណា ព្យាបាលសិស្សទាំងអស់ ដែលបានគាំទ្រ និងមានទំនុកចិត្តចំពោះសាលារៀន អន្តរទ្វីប អាមេរិកាំង ក៏ដូចជាផ្តល់ឱកាសដល់កូនៗឱ្យមកសិក្សានៅសាលារៀន អន្តរទ្វីប អាមេរិកាំង។ សូមគោរពជូនពរ លោក លោកស្រី មាតាបិតា និងអ្នកអាណាព្យាបាល និងជូនពរប្អូនៗសិស្សានុសិស្សទាំងអស់មានសុខភាពល្អ សុភមង្គល និងជោគជ័យគ្រប់ភារកិច្ច។
ការវិនិយោគលើចំណេះដឹងកូនលោក អ្នក នាំមកនូវផលប្រយោជន៉ដ៏ល្អបំផុត។
លោក ជាង ប៊ុនលី នាយកចាងហ្វាង នៃសាលារៀន អន្តរទ្វីប អាមេរិកាំង សាខាចាក់អង្រែ
លោក បុាំង លាងស៊ីម នាយកចាងហ្វាង នៃសាលារៀន អន្តរទ្វីប អាមេរិកាំង សាខាចោមចៅសូមស្វាគមន៍ការមកកាន់សាលារៀន អន្តរទ្វីប អាមេរិកាំង សាខាចោមចៅ!
តាំងនាមឱ្យសាលារៀន អន្តរទ្វីប អាមេរិកាំង ខ្ញុំបាទសូមថ្លែងអំណរគុណយ៉ាងជ្រាលជ្រៅចំពោះលោក លោកស្រីជាមាតាបិតា ឬអ្នកអាណាព្យាបាលដែលបានជ្រើសរើស និងគាំទ្រយ៉ាងពេញទំហឹងចំពោះ សាលារៀន អន្តរទ្វីប អាមេរិកាំង សម្រាប់បណ្តុះបណ្តាលបុត្រធីតារបស់លោកអ្នក។ សាលារៀន អន្តរទ្វីប អាមេរិកាំង គឺជាថ្នាលបណ្តុះបណ្តាលដែលមានចក្ខុវិស័យច្បាស់លាស់គឺ “គុណភាព វិន័យ សេវាកម្ម” សម្រាប់សិស្សានុសិស្សមកពីគ្រប់មជ្ឈដ្ឋានដើម្បីទទួលការអប់រំប្រកបដោយគុណភាព និងប្រសិទ្ធភាពខ្ពស់។ ម្យ៉ាងវិញទៀត សិស្សានុសិស្សទាំងអស់នឹងទទួលបានបទពិសោធន៍ថ្មីៗយ៉ាង ច្រើនពីសាលារួមមាន ចំណេះដឹង ចំណេះធ្វើ ការរៀនរស់នៅជាមួយគ្នាដែលប្រកបដោយក្រមសីលធម៌។
សាលារៀន អន្តរទ្វីប អាមេរិកាំង បានយកចិត្តទុកដាក់បំពេញបេសកម្មអប់រំមួយឈរលើមាគ៌ាដ៏ត្រឹមត្រូវស្របតាមកម្មវិធីសិក្សារបស់ក្រសួង អប់រំ យុវជន និងកីឡា និងគោលការណ៍របស់រដ្ឋាភិបាលក្នុងការកាត់បន្ថយភាពក្រីក្រ។ សាលាលើកកម្ពស់ និងលើកទឹកចិត្តសិស្សគ្រប់កម្រិតថ្នាក់ក្នុងការស្រាវជ្រាវតាមប្រព័ន្ធអ៊ីនធឺណេត និងតាមឯកសារក៏ច្រើននៅក្នុងបណ្ណាល័យសាលា មិនត្រឹមតែបណ្តុះបណ្តាលសិស្សានុសិស្សឱ្យមានចំណេះដឹងពិតប្រាកដ ក្រមសីលធម៌ ថែមទាំងឱ្យប្អូនចេះចែករំលែក មានទំនួលខុសត្រូវក្នុងសង្គម និងមានសមត្ថភាពគ្រប់គ្រាន់នៅពេលដែលប្អូនចេញរៀននៅតាមសកលវិទ្យាល័យនានាមិនថាក្នុងប្រទេស ឬក្រៅប្រទេសទេ ហើយអនាគតនឹងក្លាយជាធនធានមនុស្សពោរពេញដោយសមត្ថភាព ទេពកោសល្យ សីលធម៌ និងមានទំនួលខុសត្រូវខ្ពស់ក្នុងសង្គម។
ជាចុងក្រោយសូមថ្លែងអំណរគុណមាតាបិតា និងអ្នកអាណាព្យាបាលសិស្សទាំងអស់ ដែលបានគាំទ្រ និងមានទំនុកចិត្តចំពោះសាលារៀន អន្តរទ្វីប អាមេរិកាំង ក៏ដូចជាផ្តល់ឱកាសដល់កូនៗ ឱ្យមកសិក្សានៅសាលារៀន អន្តរទ្វីប អាមេរិកាំង។ សូមគោរពជូនពរ លោក លោកស្រី មាតាបិតា និងអ្នកអាណាព្យាបាល និងជូនពរប្អូនៗសិស្សានុសិស្សទាំងអស់មានសុខភាពល្អ សុភមង្គល និងជោគជ័យគ្រប់ភារកិច្ច។
ការអប់រំគឺជាអាវុធដ៏មានប្រសិទ្ធិភាពបំផុតក្នងការកាត់បន្ថយភាពក្រីក្រ និងកែប្រែពិភពលោក
ខ្ញុំបាទ ពៅ ភក្តី មានស្រុកកំណើតនៅភូមិបង់បក់ ឃុំភ្នំប្រាសាទ ស្រុកកំពង់ត្រាច ខេត្តកំពត។ នៅឆ្នាំ1999 បានប្រឡងជាប់សញ្ញាបត្រមធ្យមសិក្សាទុតិយភូមិ និងបានប្រឡងជាប់នៅសាលាបណ្តុះបណ្តាលគរុកោសល្យ និងវិក្រឹតការខេត្តកំពត រួចចេញធ្វើជាគ្រូបង្រៀននៅឆ្នាំ2001។ ដោយមានការស្រឡាញ់ការអប់រំនៅឆ្នាំ2004 ខ្ញុំបានបន្តការសិក្សាថ្នាក់មហាវិទ្យាល័យនៅសកលវិទ្យាល័យបៀលប្រាយ ផ្នែកនីតិសាស្ត្រ និងបានបញ្ចប់ការសិក្សានៅឆ្នាំ2009។ នៅថ្ងៃទី17 ខែកញ្ញា ឆ្នាំ2007 ខ្ញុំបានចូលបម្រើការងារជាគ្រូបង្រៀននៅសាលារៀន អន្តរទ្វីប អាមេរិកាំង។ ដោយមានការខិតខំប្រឹងប្រែង និងទំនួលខុសត្រូវលើការងារជាមួយអាជីពរបស់ខ្លួន ខ្ញុំត្រូវថ្នាក់ដឹកនាំសាលាដំឡើងតួនាទីជា ចាងហ្វាងរងបឋមសិក្សា នៅថ្ងៃទី01 ខែកញ្ញា ឆ្នាំ2014។ ក្រោយមកដោយក្រុមហ៊ុន និងសាលាមានការរីកចម្រើន ព្រមទាំងអ្នកអាណាព្យាបាលផ្តល់ទំនុកចិត្តផងដែរ អ្នកឧកញ៉ា វេជ្ជបណ្ឌិត គួច ម៉េងលី បានពង្រីកសាខាបន្ថែមនៅតំបន់ចាក់អង្រែក្រោមក្នុងឆ្នាំសិក្សា2015-2016។ ខ្ញុំបាទត្រូវបានគណៈគ្រប់គ្រងដំឡើងតួនាទីបន្ថែមទៀត នៅថ្ងៃទី18 ខែវិច្ឆិកា ឆ្នាំ2015 ជាចាងហ្វាងក្រោមមត្តេយ្យ មត្តេយ្យ និងបឋមសិក្សានៅសាខាចាក់អង្រែ។ បច្ចុប្បន្នភាពនេះផងដែរ នៅថ្ងៃទី01 ខែកញ្ញា ឆ្នាំ2022 ខ្ញុំបាទត្រូវបានដំឡើងតួនាទីបន្តទៀត គឺជានាយកចាងហ្វាង សាខាផ្សារថ្មី។
ឆ្លងតាមបទពិសោធក្នុងវិស័យអប់រំជាង20ឆ្នាំមកនេះ ខ្ញុំបាទយល់ច្បាស់ថាការអប់រំជាចំណែកមួយយ៉ាងសំខាន់ក្នុងការអភិវឌ្ឍធនធានមនុស្ស អភិវឌ្ឍសង្គម និងឈានទៅដល់ការអភិវឌ្ឍជាតិឱ្យបានរីកចម្រើនឱ្យទាន់សម័យកាលឌីជីថល4.0 ហើយក៏ជាចំណែកមួយសំខាន់ក្នុងការអប់រំមនុស្សឱ្យមានសេចក្តីថ្លៃថ្នូរផងដែរ។
សាលារៀន អន្តរទ្វីប អាមេរិកាំង បានរួមចំណែកមួយភាគធំក្នុងការអភិវឌ្ឍវិស័យអប់រំនេះផងដែរ ដោយសាលាបានយកចិត្តទុកដាក់ខ្ពស់ក្នុងបណ្តុះបណ្តាលសិស្សដោយឈរនៅលើគោលការណ៍របស់ខ្លួនគឺ “គុណភាព វិន័យ និងសេវាកម្ម” ព្រមទាំងមានចក្ខុវិស័យ និងបេសកកម្មច្បាស់លាស់តាមច្បាប់អប់រំទាំងផ្នែកចំណេះដឹង សីលធម៌ និងសុជីវធម៌ពិតប្រាកដ។
ដើម្បីឱ្យការសិក្សារបស់សិស្សម្នាក់ៗទទួលបានជោគជ័យទាំងព្រមលើចំណេះដឹង សីលធម៌ និងសុជីវធម៌ លោក លោកស្រីជាមាតាបិតា ឬអ្នកអាណាព្យាបាលក៏ជាចំណែកមួយដ៏សំខាន់ក្នុងការអប់រំផងដែរ ដោយមានការជំរុញ តាមដាន លើកទឹកចិត្តជាប្រចាំទៅកាន់បុត្រធីតា ព្រមទាំងធ្វើជាដៃគូរមួយដ៏ជិតស្និទ្ធជាមួយលោកគ្រូ អ្នកគ្រូ និងសាលារៀនប្រកបដោយភាតរភាព។
ជាចុងក្រោយខ្ញុំបាទពិតជាមានសេចក្តីសោមនស្ស អំណរអរគុណដល់លោក លោកស្រីជាមាតាបិតា និងអ្នកអាណាព្យាបាលសិស្ស ដែលតែងតែផ្តល់ទំនុកចិត្តដល់សាលារៀន អន្តរទ្វីប អាមេរិកាំង ក៏ដូចជាក្រុមហ៊ុន MJQEផងដែរ។ សូមគោរពជូនពរលោក លោកស្រីជាមាតាបិតា និងអ្នកអាណាព្យាបាល ព្រមទាំងប្អូនៗសិស្សានុសិស្សទាំងអស់សូមមានសុខភាពល្អ សុភមង្គលក្នុងក្រុមគ្រួសារ និងជោគជ័យគ្រប់ភារកិច្ច។
លោក ពៅ ភក្តី នាយកចាងហ្វាង នៃសាលារៀន អន្តរទ្វីប អាមេរិកាំង សាខាផ្សារថ្មី
លោក ហ៊ុល សារួន នាយកចាងហ្វាង នៃសាលារៀន អន្តរទ្វីប អាមេរិកាំង សាខាជ្រោយចង្វារជម្រាបសួរ!
ការគិតគូរលើថ្នាលអប់រំ និងបណ្តុះបណ្តាលរបស់កុមារជាកត្តាចាំបាច់បំផុតសម្រាប់មនុស្សជាតិនៅក្នុងប្រទេសនីមួយៗ ដើម្បីឱ្យពួកគេក្លាយជាធនធានមនុស្សប្រកបដោយសក្តានុពលពេញលេញសម្រាប់គ្រួសារ និងសង្គមជាតិទាំងមូល។
ការអប់រំ និងការបណ្តុះបណ្តាលកុមារតូច ឬសិស្សានុសិស្សនៅថ្នាក់ចំណេះដឹងទូទៅ (ពីថ្នាក់ក្រោមមត្តេយ្យដល់ថ្នាក់ទី១២) ជាពេលវេលាដ៍ចាំបាច់ និងមានសារៈសំខាន់បំផុតសម្រាប់កសាងសមត្ថភាពចំណេះដឹងមូលដ្ឋានគ្រឹះ និងឥរិយាបថពួកគេប្រកបដោយគុណភាពសម្រាប់ការចាប់យកជំនាញបន្តនៅថ្នាក់មហាវិទ្យាល័យ និងក្លាយជាធនធានមនុស្សដែលមានសមត្ថភាពខ្ពស់នៅថ្ងៃអនាគត។ មូលដ្ឋានគ្រឹះចាំបាច់ទាំងនេះ ត្រូវបានយកចិត្តទុកដាក់យ៉ាងខ្លាំង និងធ្វើការអភិវឌ្ឍជាលក្ខណៈសកលជាប្រចាំពីសំណាក់សាលារៀន អន្តរទ្វីប មេរិកាំង ដោយឈរលើសារៈសំខាន់មិនអាចកាត់ថ្លៃបាននៃធនធានមនុស្សសម្រាប់ការអភិវឌ្ឍ។
សូមអរគុណច្រើនសម្រាប់ លោក លោកស្រី និងកូនៗដែលតែងតែគាំទ្រ និងផ្តល់តម្លៃដល់គុណភាពអប់រំរបស់សាលារៀនយើង។ ទន្ទឹមនឹងនេះ ក្នុងនាមសមាជិកគណៈកម្មការនៃសាលារៀន យើងនឹងខិតខំប្រឹងប្រែងបន្តដោយមិនខ្លាចការនឿយហត់ក្នុងការបំពេញការងារ និងស្រាវជ្រាវ ដើម្បីការអប់រំ និងបណ្តុះបណ្តាលដល់កូនកម្ពុជាឱ្យក្លាយជាពលរដ្ឋ និងធនធានមនុស្សល្អប្រកបដោយសក្តានុពលពេញលេញសម្រាប់គ្រួសារ និងសង្គមជាតិយើង។
ពីខ្ញុំបាទ
ហ៊ុល សារួន
នាយកចាងហ្វាងសាខាជ្រោយចង្វារ
“គុណភាព វិន័យ និងសេវាកម្ម” ជាបាវវចនានៃសាលារៀនអន្តរទ្វីបអាមេរិកកាំង (AIS)យើងខ្ញុំទាំងអស់គ្នាប្តេជ្ញាផ្តល់ការអប់រំមួយប្រកបដោយគុណភាព វិន័យ និងសេវាកម្មល្អដាច់គេនៅក្នុងប្រទេសកម្ពុជា។
ការឆ្លើយតបតាមតម្រូវការរបស់សិស្សានុសិស្ស អ្នកអាណាព្យាបាលសិស្ស និងសង្គមជាតិជាបេសកកម្មចម្បងរបស់យើងខ្ញុំ។ បរិយាកាសសិក្សាល្អ សម្ភារឧបទ្ទេសសម្បូរបែប គ្រូបង្រៀនមានគរុកោសល្យច្បាស់លាស់ ពោរពេញដោយសមត្ថភាព និងប្រកបដោយក្រមសីលធម៌វិជ្ជាជីវៈ បានត្រៀមខ្លួនរួចជាស្រេចក្នុងការផ្តល់ជូនការអប់រំមួយដែលគ្រប់ជ្រុងជ្រោយ។
បន្ថែមពីនោះបុត្រធីតារបស់លោកអ្នក និងមានការអភិវឌ្ឍការសិក្សារបស់ពួកគេតាមរយៈកិច្ចសហប្រតិបត្តិការជាមួយអ្នកជំនាញ និងស្ថាប័នអប់រំកំពូលៗលើពិភពលោក។ ជាមួយវិធីសាស្ត្រផ្ទាល់ខ្លួនបន្ថែមរបស់ពួកយើងជាកត្តាលីករជំរុញបុត្រធីតាលោកអ្នកឱ្យទទួលនូវលទ្ធផលសិក្សាឈានមុខគេ ព្រមទាំងការអភិវឌ្ឍជំនាញផ្សេងៗ និងការគិតរបស់ពួកគាត់ដើម្បីឱ្យពួកគាត់មានវឌ្ឍនភាពនៅក្នុងពិភពលោកមួយដែលមានការផ្លាស់ប្តូរ។
ជាចុងក្រោយសូមថ្លែងអំណរគុណមាតាបិតា និងអ្នកអាណាព្យាបាលសិស្សទាំងអស់ ដែលបានគាំទ្រ និងមានទំនុកចិត្តចំពោះសាលារៀន អន្តរទ្វីបអាមេរិកាំង។ សូមគោរពជូនពរ លោក លោកស្រី មាតាបិតា និងអ្នកអាណាព្យាបាល និងជូនពរប្អូនៗសិស្សានុសិស្សទាំងអស់មានសុខភាពល្អ សុភមង្គល និងជោគជ័យគ្រប់ភារកិច្ច។
សូមជឿជាក់ និងផ្ញើជោគវាសនានៃការអប់រំបុត្រធីតាលោកអ្នកនៅសាលារៀនអន្តរទ្វីបអាមេរិកាំងដើម្បីភាពត្រចេះត្រចង់នាថ្ងៃអនាគត!
លោក សុខ សូនីដា នាយកចាងហ្វាង នៃសាលារៀន អន្តរទ្វីប អាមេរិកាំង សាខាសៀមរាប
លោក សោម ចាន់ណា នាយកចាងហ្វាង នៃសាលារៀន អន្តរទ្វីប អាមេរិកាំង សាខាសែនសុខជម្រាបសួរលោក លោកស្រីដែលជាមាតាបិតា ឬអ្នកអាណាព្យាបាលសិស្ស និងសិស្សានុសិស្ស ជាទីរាប់អាន!
ខ្ញុំបាទមានសេចក្តីសោមនស្សរីករាយក្រៃលែងដែលបានណែនាំខ្លួនក្នុងនាមជានាយកចាងហ្វាង នៃសាលារៀន អន្តរទ្វីប អាមេរិកាំង សាខាសែនសុខ។
យើងខ្ញុំសង្ឃឹមថាតាមរយៈគេហទំព័ររបស់សាលារៀន អន្តរទ្វីប អាមេរិកាំង លោក លោកស្រីដែលជាមាតាបិតា ឬអ្នកអាណាព្យាបាល និងប្អូនៗសិស្សានុសិស្សទាំងអស់គ្នានឹងបានឃើញនូវសកម្មភាពសិក្សាដ៏សម្បូរបែប ទីធ្លាសាលារៀនដ៏មានផាសុកភាព និងបរិក្ខារសិក្សាទំនើបៗ ជាមួយលោកគ្រូ អ្នកគ្រូដែលមានបទពិសោធន៍ គរុកោសល្យ និងជំនាញវិជ្ជាជីវៈច្បាស់លាស់ សម្រាប់ផ្តល់សេវាកម្មអប់រំជូនប្អូនៗសិស្សានុសិស្ស ដើម្បីឱ្យពួកគេមានភាពកក់ក្តៅ ជឿជាក់ និងមានលទ្ធភាព គ្រប់គ្រាន់ក្នុងការទទួលយកនូវការអប់រំប្រកបដោយគុណភាព។ ក្រៅពីកម្មវិធីសិក្សាគោលក្នុងថ្នាក់ សាលារៀន អន្តរទ្វីប អាមេរិកាំងបានបន្ថែមកម្មវិធីសិក្សាជាច្រើនដូចជា៖
សកម្មភាពសិក្សាខាងលើ ជាកត្តាជំរុញឱ្យការសិក្សារបស់ប្អូនៗទទួលបាននូវការអប់រំតាមបែប បរិបទថ្មីសតវត្សរ៍ទី២១ ដែលផ្តោតលើវិជ្ជាសម្បទា បំណិនសម្បទា និងចរិយាសម្បទា ដើម្បីឱ្យពួកគេរស់នៅប្រកបដោយសេចក្តីថ្លៃថ្នូរ និងជាធនធានមនុស្សក្នុងការអភិវឌ្ឍគ្រួសារ សង្គម និងប្រទេសជាតិយើងឱ្យមានការរីកចម្រើនជាលំដាប់។
យើងខ្ញុំនឹងខិតខំឱ្យអស់ពីកម្លាំងកាយចិត្ត ដើម្បីផ្តល់ការអប់រំល្អដល់ប្អូនៗសិស្សានុសិស្ស ដោយផ្តោតទាំងលើគុណភាព វិន័យ និងសេវាកម្ម ដែលជាក្តីរំពឹងខ្ពស់របស់លោក លោកស្រីជាមាតាបិតា ឬ អ្នកអាណាព្យាបាលសិស្សទាំងអស់គ្នា។
ចុងបញ្ចប់ ខ្ញុំសូមគោរពជូនពរដល់លោក លោកស្រីដែលជាមាតាបិតា ឬអ្នកអាណាព្យាបាលសិស្ស និងប្អូនៗសិស្សានុសិស្សទាំងអស់ សូមទទួលបានសុខភាពល្អ និងសម្រេចបាននូវជោគជ័យគ្រប់ភារកិច្ច។
ជម្រាបសួរ លោក លោកស្រី ជាមាតាបិតា អ្នកអាណាព្យាបាល និងសាធារណជនទាំងអស់! ស្វាគមន៍ប្អូនៗសិស្សានុសិស្សជាទីស្រឡាញ់។ នាងខ្ញុំឈ្មោះ គាក ម៉ាណែត ជានាយិកាចាងហ្វាងនៃសាលារៀន អន្តរទ្វីប អាមេរិកាំង សាខាច្បារអំពៅ។
នាងខ្ញុំបានបញ្ចប់បរិញ្ញាបត្រអក្សរសាស្រ្តខ្មែរ នៅសាកលវិទ្យាល័យភូមិន្ទភ្នំពេញក្នុងឆ្នាំ២០០៣ ទទួលការបណ្តុះបណ្តាលគរុកោសល្យគ្រូកម្រិតឧត្តម បរិញ្ញា+១ នៅវិទ្យាស្ថានជាតិអប់រំក្នុងឆ្នាំ២០០៤ និងបរិញ្ញាបត្រជាន់ខ្ពស់ផ្នែកអក្សរសាស្រ្តខ្មែរក្នុងឆ្នាំ២០១៣។ ក្នុងឆ្នាំ២០០៥ នាងខ្ញុំបានចូលបម្រើការងារក្នុងវិស័យអប់រំ ក្រោយមកនៅក៏បានចូលបំរើការងារជាគ្រូបង្រៀន ពាក់ពេញម៉ោងនៅសាលារៀន អន្តរទ្វីប អាមេរិកាំង ចាប់ពីឆ្នាំ២០០៧។
សាលារៀន អន្តរទ្វីប អាមេរិកាំង បានយកចិត្តទុកដាក់បំពេញបេសកម្មអប់រំមួយស្របតាមកម្មវិធីសិក្សារបស់ក្រសួង អប់រំ យុវជន និងកីឡា ដោយមានចក្ខុវិស័យមួយជាក់លាក់គឺធានាបាននូវគុណភាព វិន័យ និងសេវាកម្ម។ សាលារៀនបានបណ្តុះឆន្ទៈសិស្សានុសិស្សគ្រប់កម្រិតថ្នាក់ក្នុងការស្រាវជ្រាវ ស្វ័យសិក្សា តាមរយៈប្រព័ន្ធអ៊ីនធឺណេត បណ្តុំឯកសារជាច្រើននៅក្នុងបណ្ណាល័យ ការសិក្សាជាក្រុម ក្លិបមិត្តជួយមិត្ត ជម្រុញការអានបន្ថែម លើកទឹកចិត្តសិស្សានុសិស្សឱ្យមានភាពក្លាហាន ចូលរួមកម្មវិធីប្រកួតប្រជែងផ្សេងៗ ទាំងថ្នាក់ជាតិ និងអន្តរជាតិ ទទួលយកនូវអ្វីដែលថ្មីដើម្បីពង្រីកវិសាលភាពនៃចំណេះដឹងឱ្យទាន់សម័យកាល។ ផែនការគោលដៅរបស់សាលាគឺចូលរួមក្នុងការកសាងធនធានមនុស្សប្រកបដោយសក្តានុពល សម្រាប់អភិវឌ្ឍសង្គមជាតិ គឺមានទាំងចំណេះដឹង ចំណេះធ្វើ ឥរិយាបថ និងចេះរស់នៅក្នុងសង្គមបានល្អប្រសើរនិងមានទំនួលខុសត្រូវខ្ពស់។
ជាចុងក្រោយនាងខ្ញុំថ្លែងអំណរគុណយ៉ាងជ្រាលជ្រៅដល់មាតាបិតា និងអ្នកអាណាព្យាបាលសិស្សទាំងអស់ ដែលបានគាំទ្រ និងមានទំនុកចិត្តចំពោះសាលារៀន អន្តរទ្វីប អាមេរិកាំង ក៏ដូចជាផ្តល់ឱកាសដល់កូនៗឱ្យមកសិក្សានៅសាលារៀន អន្តរទ្វីប អាមេរិកាំង។ សូមគោរពជូនពរ លោក លោកស្រី មាតាបិតា និងអ្នកអាណាព្យាបាល និងជូនពរប្អូនៗសិស្សានុសិស្សទាំងអស់ជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ។
«អភិវឌ្ឍសង្គមត្រូវការធនធាន ធនធានសម្រេចបាន អាស្រ័យនឹងការអប់រំដែលមានគុណភាព»
លោកស្រី គាក ម៉ាណែត នាយិកាចាងហ្វាង នៃសាលារៀន អន្តរទ្វីប អាមេរិកាំង សាខាច្បារអំពៅ
ខ្មែរ
អង់គ្លេស