ទំព័រដើម / ផ្នែកធនធានមនុស្ស
ផ្នែកធនធានមនុស្សបង្កើតឡើងនៅក្នុងឆ្នាំ២០១៤ ផ្នែកធនធានមនុស្សសហការជាមួយផ្នែកពាក់ព័ន្ទ ដើម្បីរៀបចំផែនការធនធានមនុស្សឱ្យមានប្រសិទ្ធភាព និងប្រសិទ្ធផលខ្ពស់ តាមផែនការអាជីវកម្មរបស់ក្រុមហ៊ុន។ លើសពីនេះ ផ្នែកធនធានមនុស្ស រៀបចំ ដឹកនាំ លើកទឹកចិត្ត ផ្ដល់តម្លៃតបស្នង និងបណ្តុះបណ្ដាល អភិវឌ្ឍ និងថែរក្សា។ ផ្នែកធនធានមនុស្សមានទំនួលខុសត្រូវចំបង ៤ (បួន)៖
ផ្នែកនេះមានតួនាទីយ៉ាងសកម្មក្នុងការជ្រើសរើស និងសម្រិតសម្រាំងបេក្ខជន បេក្ខនារីគ្រប់មុខតំណែងតាមតម្រូវការរបស់ក្រុមហ៊ុន។ ផ្នែកនេះដែរក៏ដើរតួយ៉ាងសំខាន់ក្នុងការរៀបចំលើលិខិតផ្តល់ការងារ កិច្ចសន្យាការងារ និងឯកសារចាំបាច់មួយចំនួន ព្រមទាំងរៀបចំកម្មវិធីណែនាំ និងតម្រង់ទិស ពន្យល់ពីគោលការណ៍ និងនីតិវិធីរបស់ក្រុមហ៊ុនសម្រាប់បុគ្គលិកថ្មី។
ត្រូវបានបង្កើត ឡើងដើម្បីធានាថា ប្រាក់បៀវត្សរ៍ និងអត្ថប្រយោជន៍របស់បុគ្គលិក ត្រូវបានរៀបចំ គ្រប់គ្រងដោយមានតម្លាភាព សុក្រឹតភាព ប្រកបដោយការរក្សាការសម្ងាត់ខ្ពស់ និងធានាបាននូវការផ្ដល់ជូនដល់បុគ្គលិកត្រឹមត្រូវទៀងទាត់ និងទាន់ពេលវេលា។ ទន្ទឹមនេះ ផ្នែកនេះក៏ទទួលខុសត្រូវបន្ថែមលើការសិក្សា និងធ្វើបច្ចុប្បន្នភាពនូវអត្រាកាំប្រាក់បៀវត្សរ៍ សម្រាប់តួនាទីនីមួយៗ និងអត្ថប្រយោជន៍ផ្សេងៗទៀត ដើម្បីឱ្យស្របតាមទីផ្សារការងារ ការប្រកួតប្រជែងរបស់ក្រុមហ៊ុន និងដោយអនុលោមតាមការកំណត់របស់ច្បាប់ការងាជាធរមាន។ ផ្នែកនេះ ក៏មានតួនាទីសំខាន់ក្នុងការ កំណត់បាននូវការប្រកួតប្រជែងលើការទាក់ទាញបេក្ខជនល្អៗ តាមយុទ្ធសាស្រ្តស្រូបទាញដោយផ្ដល់នូវប្រាក់បៀវត្សរ៍ និងអត្ថប្រយោជន៍សមស្រប ហើយក៏បានចូលរួមក្នុងការរក្សាបុគ្គលិក ឱ្យបម្រើការងារបានយូរអង្វែង តាមយុទ្ធសាស្រ្តកំណត់ប្រាក់បៀវត្សរ៍ និងអត្ថប្រយោជន៍អាចប្រកួតប្រជែងលើទីផ្សារបាន។
ត្រូវបានបង្កើតឡើងដើម្បីផ្ដល់ការបណ្ដុះបណ្ដាល និងអភិវឌ្ឍន៍បុគ្គលិក នូវជំនាញស្របតាមការវិភាគលើតម្រូវការចាំបាច់ផ្នែកបណ្ដុះបណ្ដាលប្រចាំឆ្នាំ និងតម្រូវការអភិវឌ្ឍន៍ និងបង្កើនប្រសិទ្ធភាពការងាររបស់បុគ្គលិក តាមរយៈការពិនិត្យវាយតម្លៃសមិទ្ធិផលរបស់បុគ្គលិក និងតម្រូវការតាមយុទ្ធសាស្រ្តអាជីវកម្មរបស់ក្រុមហ៊ុន។ ផ្នែកនេះ ដើរតួសំខាន់ណាស់ក្នុងការធានា និងបង្កើតបាននូវធនធានមនុស្ស បណ្ដុំទេព្យកោសល្យ (Talent Pool) ប្រកបដោយគុណវឌ្ឍន៍ខ្ពស់ តាមរយៈការបណ្ដុះបណ្ដាលជំនាញ និងសមត្ថភាពបន្ថែម។
ត្រូវបានបង្កើតឡើងដើម្បីធានាបាននូវទំនាក់ទំនងការងារ រវាងបុគ្គលិក និងនិយោជក ប្រកបដោយភាពសុខដុម និងស្របតាមគោលការណ៍ដែលកំណត់ដោយច្បាប់ការងារជាធរមាន។ ផ្នែកនេះ ដើរតួនាទីក្នុងការបង្កើត ផ្ដល់ប្រឹក្សា និងរៀបចំប្រព័ន្ធក្នុងការគ្រប់គ្រងលើការអនុវត្តវិធានវិន័យ បណ្ដឹងសារទុក្ខ និងជំរុញពង្រឹងការអនុវត្តគោលការណ៍ក្រុមហ៊ុន ឱ្យមានប្រសិទ្ធភាពខ្ពស់។ ផ្នែកនេះ ក៏មានតួនាទីក្នុងការ បង្កើតបាន នូវ ប្រព័ន្ធទំនាក់ទំនងការងារ ប្រកបដោយតម្លាភាព យុត្តិធម៌ គ្មានការលម្អៀង និងមិនមានការប្រកាន់ពូជសាសន៍ ពណ៌សម្បុរ ភេទ និងនិន្នាការនយោបាយដូចមានចែងក្នុងច្បាប់ស្ដីពីការងារ។
ខ្មែរ
អង់គ្លេស